29 верасня запрашаю на чарговы "ВІНАГРАДНІК". Тэма можа і не надта вясёлая, але веру, што неабходная...
а. Аляксандр
а. Аляксандр
Будзьце цвярозымі, чувайце! Бо супраціўнік ваш, д’ябал, як леў рыклівы, кружыць, шукаючы, каго зжэрці. Супраціўцеся яму моцнай вераю, ведаючы, што гэткія самыя пакуты выпадаюць і тым вашым братам, што ёсць у свеце.
1 Пятра 5,9-10
1 Пятра 5,9-10
Пасля летняга перапынку ўсіх вельмі сардэчна запрашаю на чарговую сустрэчу “ВІНАГРАДНІКУ”, якая адбудзецца ў Оршы 29 верасня (субота). Веру, што гэтым разам Гасподзь хоча павучыць нас як супраціўляцца сатане і яго слугам. Многія з нас мелі магчымасць дасведчыць, што калі распачынаем нейкую Божую справу, то з’яўляюцца нечаканыя, невытлумачальныя і нават жахлівыя перашкоды. На жаль, у гэтых момантах шматлікія веруючыя апускаюць рукі, пужаюцца і пачынаюць уцякаць. Гэта сведчыць аб тым, што мы або не ведаем як змагацца са злом, або не гатовыя да барацьбы, або проста несвядомыя ў якія “гульні” мы пачалі гуляцца.
Спадзяюся, што наша сустрэча на “ВІНАГРАДНІКУ” дапаможа нам быць “цьвярозымі, чуваць і супраціўляцца моцнай верай”.
а. Аляксандр Жарнасек МІС
РАСКЛАД:
8.00 ПРАСЛАЎЛЕННЕ
8.30 СНЯДАННЕ
09.30 КАНФЕРЭНЦЫЯ І
10.30 КАНФЕРЭНЦЫЯ ІІ
11.30 СВЕДЧАННІ АБО ГРУПКІ ДЗЯЛЕННЯ
12.15 АБ’ЯВЫ
12.45 АБЕД, ВОЛЬНЫ ЧАС
13.30 АДАРАЦЫЯ, СПОВЕДЗЬ, РАЗМОВЫ
16.30 СВЯТАЯ ІМША
17.30 ВЯЧЭРА
18.00 – 21.00 МАЛІТВА ПРАСЛАЎЛЕННЯ І ЗАСТУПНІЦТВА
Увага!!!
Абавязковы папярэдні запіс да 26 верасня (серада). Тых, хто едзе на начлег з пятніцы на суботу, або з суботы на нядзелю прашу ўзяць з сабой спальнік.
Запісвацца па тэлефоне:
Дыякан Віталій Даніловіч МІС 8(029)277 25 50
Айцец Аляксандр Жарнасек МІС 8(029)713 02 33
