Гэтае сведчанне мне даводзілася чуць некалькі разоў. Яно гучала таксама на адным з "Вінаграднікаў". З аднаго боку гэтая гісторыя паказвае нам, што для Бога няма нічога немагчымага, і што Ён можа яшчэ нас здзівіць, а з іншага боку я спадзяюся, што гэтае сведчанне многіх абудзіць да жывой веры.

а. Аляксандр

Гэтая тэма неаднойчы гучала на «Вінаградніку». Чарговы раз яна вяртаецца да нас у кантэксце разумення слоў Першага Паслання Апостала Яна: У любові няма страху, але дасканалая любоў праганяе страх, бо страх ёсць з-за боязі перад пакараннем; хто баіцца, той недасканалы ў любові (1 Ян 4,18).

Асабіста я быў перакананы, што страх нараджаецца ў чалавеку з прычыны таго, што не хапае веры. Калі ты баішся – гэта азначае, што спадзяешся толькі на свае сілы, не давяраеш Айцу, які цябе любіць, не верыш, што ты для Яго важны і што Ён пра цябе клапоціцца. Карацей, у маім разуменні страх быў выключна звязаны з недахопам веры.